fbpx
მედიცინა

როგორ შევინარჩუნოთ მოტივაცია COVID-19–ის პირობებში

1 Mins read

დღევანდელ რეალობაში უამრავი გამოწვევის წინაშე დავდექით, მიუხედავად იმისა, რომ პანდემიამ არაერთი პრობლემა შეგვიქმნა, ამასთანავე ბევრი  თავისუფალი დრო გამოგვიჩნდა, რომლის გამოყენებაც პროდუქტიულად უნდა შეგვეძლოს.
პანდემიის დასაწყისში ალბათ ბევრ ჩვენგანს განსაზღვრული გვქონდა თვითიზოლაციის პირობების  სასარგებლოდ გამოყენება, მაგრამ გარკვეული პერიოდის გასვლის შემდეგ თითქოს მოვდუნდით და მოტივაციაც დაგვიქვეითდა. სამწუხაროდ, ეს პრობლემა ბევრ ჩვენგანს უშლის ხელს მობილიზებასა და საქმის ხარისხიანად შესრულებაში.

მოტივაცია შეიძლება განვმარტოთ, როგორც ,,მონდომება“, რაიმეს კეთების სურვილი, ჟინი. ის გვაძლევს ძალას დასახული მიზნების შესასრულებლად. ასევე, უნდა აღვნიშნოთ, რომ მოტივაცია ცხოვრების გარკვეულ ეტაპზე ან მიზნის მიღწევის პროცესში შეიძლება  დაგვიქვეითდეს, ან სრულიად გაგვიქრეს. ასეთ დროს უპრიანია, გადავხედოთ იმ მამოტივირებელ ფაქტორებს, რომლებიც განსაზღვრავენ ჩვენს მონდომებას.
მოტივაცია არის ორი სახის, შინაგანი და გარეგანი. გარეგან მოტივაცია გარედან, ჩვენგან დამოუკიდებლად ყალიბდება. ეს შეიძლება იყოს ჯილდო გაწეული სამსახურისთვის , ხელფასი, შექება და ა.შ. ხოლო შინაგაგან მოტივაციას წარმოვქმნით ჩვენ, ის ჩვენს გონებაში ყალიბდება და მას ჩვენი რეალური სურვილები და მოთხოვნილებები აყალიბებს.
გამოცდილი ფსიქოლოგები გვირჩევენ შინაგანი მოტივაციის გაზრდას, რადგან ის უფრო მეტად უწყობს ხელს ჩვენს რეალურ პიროვნულ ზრდას.
შინაგანი მოტივაციის ასამაღლებლად სასურველია თქვენი მიზნების, სურვილების ნათლად წარმოდგენა. შეუძლებელია მიზანს მივაღწიოთ, თუ ნათლად არ გვაქვს წარმოდგენილი ის სურათი, რომელსაც საბოლოოდ ველით.

მოტივაციისა და პროდუქტიულობის  შესანარჩუნებლად პანდემიის პირობებში შევიმუშავე რამდენიმე ტექნიკა, რომელიც მეხმარება თვითიზოლაციის პერიოდი უფრო მარტივი, პროდუქტიული და შემოქმედებითი გავხადო. გიზიარებთ გამოცდილებასა და იმ ტექნიკებს, რომლებიც აუცილებლად გამოგადგებათ.


დღის გეგმა

პირველ რიგში , ყოველ საღამოს ვაკეთებ მომდევნო დღის ,,to do list”- ს ანუ გეგმას, რომელიც უნდა შევასრულო მომდევნო დღეს. შესასრულებელ საქმეებს გვერდით ვუწერ სავარაუდო დროს, რომელიც დავალების შესრულებაში დამჭირდება  და, რა თქმა უნდა, ვტოვებ თავისუფალ ადგილს დღის ბოლოს ,,+’’-ის დასასმელად. ეს პატარა დეტალი დღის ბოლოს გაგახარებთ და მოგცემთ სტიმულს , რომ იგივე მეორე დღესაც შეძლოთ

დროის მენეჯმენტი

მიუხედავად იმისა, რომ პანდემიის პირობებში უამრავი თავისუფალი დრო გამოგვიჩნდა, მაინც გვიჭირს დროის სწორად გადანაწილება. შეიძლება დღის ბოლოს აღმოვაჩინოთ, რომ სასარგებლო მთელი დღის განმავლობაში არაფერი გაგვიკეთებია. ამის თავიდან ასაცილებლად გირჩევთ საკუთარ თავს დაუთქვათ ,,დედლაინები“. მონიშნეთ კონკრეტული თარიღი, რომლის დადგომისას რაიმე ერთი დავალება დასრულებული უნდა გქონდეთ.
მოკლევადიან ( ერთ დღიან) გეგმებთან ერთად გააკეთეთ გრძელვადიანი გეგმები ,,დედლაინებით” , რომლებიც დაგეხმარებათ მიზნების დაგეგმვასა და რეალიზებაში.
ასევე, გირჩევთ გეგმის შესრულება  დაიწყოთ ყველაზე არასასურველი ან რთული საქმით, რადგან ასეთი დავალებები ყოველთვის ხელს გვიშლის დროის დაზოგვასა და საქმის სწრაფად შესრულებაში. სწორედ ასეთი საქმეები გვრჩება ხშირად  შეუსრულებელი. და ბოლოს, დააჯილდოვეთ საკუთარი თავი რაიმე განსაკუთრებული პრიზით დავალებების შესრულებისთვის, არ აქვს მნიშვნელობა ეს იქნება საყვარელი შემსრულებლის კონცერტის ბილეთი თუ მოგზაურობა მეგობრებთან ერთად. მთავარია ეს ჯილდო იყოს სტიმული და მოტივატორი თქვენი პიროვნული ზრდის პროცესში.

თათია მჟავია –  ფსიქოლოგი, კლინიკური ფსიქოლოგიის მაგისტრი.

დაკავშირებული სტატიები
მედიცინა

2020 წელს, სიკვდილის მიზეზებს შორის, COVID-19-მა მე-4 ადგილი დაიკავა

1 Mins read
2020 წლის დაწყებიდან დღემდე, სიკვდილის გამომწვევ მიზეზებს შორის, COVID-19-მა მე-4 ადგილი დაიკავა, რაც ნიშნავს იმას, რომ ყოველი მე-20 სიკვდილის ფაქტი ახალ კორონავირუსს…
მედიცინა

ებოლას ახალი შემთხვევები გვინეასა და კონგოს დემოკრატიულ რესპუბლიკაში დაფიქსირდა

1 Mins read
კონგოს დემოკრატიული რესპუბლიკის ქალაქ ბუტემბოში ებოლას ვირუსით ინფიცირების ახალი შემთხვევა გამოვლინდა. ინფორმაციას Forbes ავრცელებს. ქალაქ ბუტემბოში 350 000-ზე მეტი მოსახლეა. ამ ქალაქში,…
მედიცინა

მეცნიერები, COVID-19-ის წინააღმდეგ ხელოვნურ ინტელექტს გამოიყენებენ

1 Mins read
სამხრეთ კალიფორნიის უნივერსიტეტის მკლევრებმა შეიმუშავეს ახალი მეთოდი, რომელიც კორონავირუსის მუტაციის საფრთხეს შეამცირებს და ვაქცინის შემუშავების პროცესს დააჩქარებს. კვლევის შედეგები 5 თებერვალს, Nature…
Power your team with InHype

Add some text to explain benefits of subscripton on your services.