სავაჭრო ომი გრძელდება — ტრამპის სანქციები, ამჯერად Xiaomi-საც შეეხო

Reuters-ის ინფორმაციით, აშშ-მა სანქცირებული კომპანიების სიაში 9 ჩინური კომპანია, მათ შორის ავიამშენებელი Comac და ელექტრონიკის მწარმოებელი Xiaomi შეიყავანა. ამერიკელმა ინვესტორებმა ამ კომპანიების აქტივები 2021 წლის 11 ნოემბრამდე უნდა გაასხვისონ.

ჩინეთის წინააღმდეგ შექმნილი შავი სია აშშ-ის თავდაცვის სამინისტროს ინიციატივით გააფართოვეს. უწყების განცხადებაში აღნიშნულია, რომ ეს კომპანიები ჩინურ სამხედრო წარმოებას ეხმარებიან. შავ სიაში მყოფი კომპანიები, პენტაგონის ოფიციალური პოზიციის მიხედვით, ძირს უთხრიან აშშ-ის ეროვნულ უსაფრთხოებას.

CNBC-ის ინფორმაციით, შავ სიაში ახალი კომპანიების დამატების შედეგად, Xiaomi-ის აქციების ფასი 10%-ით დაეცა. Counterpoint Research-ის მონაცემებით კი, 2020 წლის მე-3 კვარტალში Xiaomi მსოფლიოში სმარტფონების წარმოების მასშტაბებით მე-3 ადგილს იკავებდა.

ჩინური ავიამშენებელი კომპანია Comac უარყოფს აშშ-ის ბრალდებებს. Xiaomi-ს საპასუხო განცხადებაში კი აღნიშნულია, რომ კომპანია არანაირად არაა დაკავშირებული სამხედრო წარმოებასთან, არ კონტროლდება და არ ექვემდებარება ჩინეთის შეიარაღებულ ძალებს. Xiaomi საკუთარი კომპანიის და მისი აქციონერების დასაცავად შესაბამისი ზომების მიღებას აანონსებს.

შეგახსენებთ, რომ 2021 წლის 5 იანვარს, აშშ-ის პრეზდეინტმა, დონალდ ტრამპმა ამერიკელ მომხმარებლებს ჩინური გადახდის სისტემებით სარგებლობა შეუზღუდა. ახალი შეზღუდვა შეეხო გადახდის სერვისებს, როგორებიცაა Alipay, WeChat Pay, QQWallet, Tencent QQ, SHAREit, Vmate, WPS Office და CamScanner. ამ სერვისების ბლოკირების ოფიციალურ მიზეზად კი “აშშ-ის მოქალაქეების პირადი ინფორმაციის მითვისება და ფედერალური სამსახურის თანამშრომლების შესახებ მნიშვნელოვან ინფორმაციის შეგროვება” სახელდება.

2020 წლის დეკემბერში აშშ-მა სანქციები ჩიპების მწარმოებელი კომპანია SMIC-ის წინააღმდეგაც მიიღო. უკვე მეორე წელია სანქციების ქვეშ იმყოფება Huawei.

წინა სტატია

გამოვიყენოთ თუ არა WhatsApp — ახალი კონფიდენციალობის პოლიტიკის რისკები

შემდეგი სტატია

2030 წლისთვის, კიბერუსაფრთხოებას მეტწილად ხელოვნური ინტელექტი უზრუნველყოფს — კვლევა

შეთავაზებული სტატიები

მორდორის ქრონიკა — რუსეთში YouTube-ის აკრძალვისთვის ემზადებიან

რუსეთის ფედერაციის დუმის კომიტეტმა მიიღო კანონპროექტი, რომელიც რუსული მედიასაშუალებების ცენზურისთვის საპასუხო სანქციებს ითვალისწინებს. კანონპროექტის თანახმად, გენერალური პროკურორი და…
გაიგე მეტი

მაიკროსოფტი Windows 10 X-ში Modern Standby რეჟიმს ამატებს — რას ნიშნავს ეს

ლეპტოპების უმეტესობას ძილის რეჟიმიდან გამოსასვლელად რამდენიმე წამი სჭირდება. ამასთან ერთად, ძილის რეჟიმში ლეპტოპი არ ტვირთავს ახალ ელექტრონულ წერილებს,…
გაიგე მეტი

საახალწლოდ iCloud-მა დატვირთვას ვერ გაუძლო

MacRumors-ის ინფორმაციით, Apple-ის ღრუბლოვანი სერვისის, iCloud-ის ნაწილმა, რომელიც ახალი მოწყობილობების აქტივაციისთვის გამოიყენება, საახალწლო დატვირთვას ვერ გაუძლო. მომხმარებელთა ნაწილი,…
გაიგე მეტი
HTML tutorial HTML tutorial HTML tutorial


გაიგე პირველმა, გამოგვყევი ფეისბუქზე
მოწონება
Total
1
გაზიარება