როგორი იქნება Xiaomi Mi Mix Alpha

დღეს, 24 სექტემბერს კომპაია Xiaomi საკუთარ ახალ ფლაგმანს, Mi Mix Alpha (იგივე Mi Mix 5G)-ს წარმოადგენს. ამჯერად კომპანიამ პრეზენტაციამდე დუმილის შენარჩუნება გადაწყვიტა და ვრცელი ინფორმაციის ნაცვლად აუდიტორიას მხოლოდ მინიშნებების შემცველი პოსტერები შესთავაზა.

გაირკვა, რომ სმარტფონს საბოლოოდ Mi Mix Alpha ერქმევა და არა Mi Mix 5G. Mi Mix ხაზის სხვა წარმომადგენლების მსგავსად, Alpha მოდელიც უჩვეულო დიზაინით გამოირჩევა. Xiaomi-ს თუ დავუჯერებთ, ახალი მოწყობილობა სმარტფონების ბაზარზე რევოლუციას მოახდენს. აქედან გამომდინარე არაა გამორიცხული, რომ კომპანია კომერციული მოდელის ნაცვლად მხოლოდ კონცეფტს გვაჩვენებს.

ერთ-ერთი პოსტერიდან ირკვევა, რომ სმარტფონის ეკრანი მის წიბოებს მაქსიმალურად დაფარავს  — Vivo Nex 3 და Huawei Mate 30 Pro-ზე მეტადაც კი. ასევე ოფიციალურად დასტურდება, რომ მოწყობილობის წინა მხარეს დისპლეი 100%-ით დაფარავს.

გარდა ამისა, Xiaomi-ს წარმომადგენლები Weibo-ში კითხულობენ: „დისპლეის 100%-იანი დაფარვა უკვე ზღვარია?“

კიდევ ერთ პოსტერში ვხედავთ Ti (ტიტანს), SiO2 (სილიკონის დიოქსიდს) და AI2O3 (ალუმინის დიოქსიდს). შესაძლოა ეს არის მინიშნება Xiaomi Mi Mix Alpha-ს შექმნისას გამოყენებულ ელემენტებზე ან მოწყობილობის ფერებზე.

შემდეგი პოსტერი მოწყობილობის წინა კამერაზე მიგვანიშნებს. Xiaomi აქ სვამს კითხვას კამერის შესაძლო განლაგების ვარიანტებით და შეკითხვას მრავალწერტილით აბოლოვებს . დიდი ალბათობით ჩინურმა კომპანიამ აქაც საკუთარი ალტერნატივა მოიფიქრა.

Mi Mix Alpha-ს შიდა პრეზენტაციიდან გავრცელდა კიდევ ერთი სლაიდი, რომელზეც დიდი ალბათობით აღნიშნული ფლაგმანის კონცეფტი ჩანს…

შეგახსენებთ, რომ Xiaomi-ს ახალი სმარტფონი დიდი ალბათობით ეკრანქვეშა სკანერის მქონე OLED-დისპლეის,  5G კავშირის მხარდაჭერს მქონე Snapdragon 855 Plus პროცესორს და 12 გბ ოპერატიულს მიიღებს. სმარტფონს ასევე  108 მპ-იანი Samsung ISOCELL Bright HMX ლინზა გამოარჩევს, რომელიც სმარტფონში 16-მეგაპიქსელიან ფართოკუთხოვან და 12-მეგაპიქსელიან პერისკოპულ ტელეობიექტივთან ერთად განლაგდება.

Total
0
Shares
Leave a Reply

Your email address will not be published.

Previous Post

Facebook-მა Cambridge Analytica-სთან დაკავშირებული „ათობით ათასი“ აპლიკაცია გათიშა

Next Post

აშშ-ს ისტორიაში უმსხვილეს კიბერდანაშაულში ეჭვმიტანილმა ჰაკერმა ბრალი აღიარა

Related Posts

Huawei-მ Google-ის სერვისების საკუთარი ალტერნატივის ტესტირება დაიწყო

რამდენიმე დღის წინ კომპანია Huawei-მ Google-ის სერვისების საკუთარი ანალოგი— Huawei Mobile Services (HMS) წარმოადგინა. Huawei-ს Google-ის სერვისების ანალოგზე…
გაიგე მეტი

Microsoft-მა ახალი Surface მოწყობილობები, მათ შორის სმარტფონი წარმოადგინა

Microsoft-ის ოქტომბრის პრეზენტაციამ ნამდვილად გაგვაოცა. ნიუ-იორკში ჩატარებულ პრეზენტაციაზე კომპანიამ ახალი მოწყობილობების მთელი ბუკეტი წარმოადგინა, მათ შორის ვიხილეთ საკეცი…
გაიგე მეტი

გამოვიდა Xiaomi Mi 11 — პირველი ანდროიდ სმარტფონი Snapdragon 888-ზე

Xiaomi Mi 11-ის ფასი ჩინეთში 3999 იუანიდან იწყება, ხოლო გლობალური გაყიდვების თარიღი ჯერ-ჯერობით უცნობია. დღეს, ჩინეთში Xiaomi Mi…
გაიგე მეტი
Total
0
Share